Með Pennann á lofti

Ó mæ god!

Það er gjörsamlega frábær mæting. Fólk virðist vera í gríðarstemningu fyrir árshátíðinni og gaman verður að hitta alla í galamúnderingunni. Við verðum rúmlega 340 manns í allt og vinir okkar utan af landi mæta sprellfjörugir. Þröngt mega sáttir sitja...standa, það þurfa nefnilega sumir að standa, það verður selt í stúku og stæði. Nei, ég er að sjálfsögðu að grínast. Það verður nóg pláss fyrir alla.

Gjaldkeri félagsins hefur af sinni einstöku natni náð að koma öllum fyrir milli súlna í þessum sal í Bændahöllinni og við prísum okkur sæl að klámráðstefnunni hafi verið synjað aðgengi á hótelið. Það hefði ekki verið ábætandi að hafa fólk hangandi á súlunum, í latexbúningum, í lostafullum dansi, yfir dádýrasteikinni.

Nú er ekkert eftir nema að koma sér á staðinn á laugardaginn, setjast niður, brosa og hafa gaman.

En svo ekki sé hætta á að eitthvað gleymist þá er hér tékklistinn síðan í fyrra:

Aðgöngumiðinn, nauðsynlegur til að komast inn.

Aðgöngumiðinn, hann er líka happadrættismiði, og vinningarnir slá allt út í ár. Guð sé oss næstur.

Varasalvi, ef það hefur verið frost og maður er með varaþurrk þá er hætt við skemmdum þegar maður brosir.

Monningar, við erum víst ekki í reikning á barnum.

Spænsk frasabók, hver getur annars lesið þennan vínlista?!

Nál og tvinni, hver kannast ekki við lítið slys ef maður teygir of mikið úr sér í stuðinu á dansgólfinu!

Hárstrípur, hvítar tennur og brúnkukrem, hver veit nema að ljósmyndarar Séð og Heyrt verði á staðnum.

Góð bók, ef veislustjórinn er þvoglumæltur og skemmtiatriðin leiðinleg er gott að grípa í bók.

Góða skemmtun!

Við erum á leið á árshátíð..dúddírúddírú!

Hvort að þeir Sævar, Birgir og Kristján veislustjóri séu þarna að æfa skemmtiatriði fyrir Árshátíð Pennans á laugardaginn næsta, verður að liggja milli hluta. En eitt er víst að þeir eru þegar orðnir mjög spenntir og ætla að vera í þrumustuði.
Akureyringar ætla að leggja af stað yfir heiðar á föstudaginn með rútu..eða varð það langferðabíll?! Þar fer ansi hress hópur. Einnig munu Ísfirðingar koma á föstudag, fara í leikhús og skoða Eymundsson búðir og annað.
Mikið verður þetta gaman!

Ertu nokkuð að gleyma að skrá þig á árshátíðina!

Nú eru aðeins tíu dagar í Árshátíð Pennans 2007 og skráningu fer að ljúka.

Þú ert ekki að klikka á þessu, er það!

(myndin hér við hliðina er máluð með Windsor & Newton olíulitum frá Pennanum)

Við fórum á Abbababb á laugardaginn!

Þarna er Hr.Rokk og Rokkarnir í góðum gír. Flestir voru á því að sýningin væri geysiskemmtileg fyrir alla aldurshópa. Hún var fyndin og vakti þó einkum stríðið milli dískóbolta og pönkara kátínu. Við mælum með Abbababb!

Karókíkeppnin var gjörsamlega frábær!